Covalima : Iha Loron Kuarta-Feira Lokraik (30/12/2020), Sekretariu Estadu Kooperativas (SECOOP), Dr. Elizário Ferreira, MM halo enseramentu ba prosesu distribuisaun programa “Cesta Básica” iha Munisípiu Covalima liu-liu Postu Administrativu Tilimor, Maukatar, Fohorem, Zumalai, Fatululik, no Fatumean, ne’ebé la’o durante fulan ida resin konklui ona.
Iha enseramentu SECOOP lori instituisaun Sekretaria Estadu Kooperativas tomak nian naran hato’o agradesimemtu ba autoridade munisipál Covalima no entidades hotu-hotu sira tulun bele fó susesu ba distristrbuisaun “Cesta Bázica” iha Munisípiu Covalima la’o ho suaesu.
“Ha’u hakarak fó obrigadu ba Señor Administradór Munisipiu Covalima, Komadante Polísia ho nian adjuntu, administradór postu sira, xefe suku no aldeia sira, nune’e komadante eskuadra sira, Ofisial Polisia Suku (OPS) obrigadu ba ita boot sira kontribuisaun”, afirma Dr. Elizário Ferreira, iha Salaun Administrasaun Munisipal Covalima iha ámbitu enseramentu distribuisaun “Cesta Básica”.
Iha fatin hanesan Administradór Munisípiu Covalima, Afonso Nogueira Nahak nia parte kongratula ba Sekretaria Estadu Kooperativas (SECOOP), tanba bele distribui “Cesta Bázika” ho diak.
” Uluk nia nain mai Ita hato’o ita nia agradesimentu ba aman Maromak tanba ho nia grasa no bensaun maka ohin Ita bele hasoru malu hodi halo enseramentu ba distribuisaun cesta bázika ba ita nian Komunidade sira postu administrativu ne’en (6), suku 25 no aldeia 114 ho totàl benefisiáriu hamutuk ema nain 53.416 simu ona Cesta Bázica, ne’ebé lao ho diak no susesu iha munisípiu Covalima ida ne’e, hanesan Administradór agradese ba Sua Exelênsia ho nia komítiva tomak nia esforu hamutuk bele halo distribuisaun ho diak” tenik nia.
Nia dehan mós fó agradese ba komapañia fornesidór cesta bázika Ho diak.maske mosu preukupasaun balun mas bele rezolve ho diak no bele la’o iha Munisípiu Covalima ho diak Komunidade sira iha Kovalima simu ho fuan midar.
Nune’e mós Diretór kompañia Aitula, Silveiro Maubere ne’ebé mós representa kompañia tolu ne’ebé responsavél ba distribuisaun Cesta Bázica iha Munisípiu Covalima hateten distribuisaun ba cesta bázika iha kompañia tolu maka responsabiliza maske nune’e iha idak nia maneira rasik ba kestaun ne’e.
“Ami servisu duni tuir kontratu ne’ebé iha Cesta Bázica haruka kuandu ami viola ida ne’e ministeriu ne’ebé responsvél ba Programa Cesta Bázica sei foti medida ba ami”, dehan nia.
Nia parte husu deskulpa ba kestaun balun iha relasiona distribuisaun Cesta bázica la’o ladun diak.
” Ha’u husu deskulpa ba autoridades lokál sira karik buat balun ne’ebé durante lao naksalak, no ha’u mós agradese ba hotu kntribuisaun hodi fó susesu ba programa la’o ho diak”, hateten Nain ha kompañia Aitula Silveiro Maubere.
Enkuantu kompañia tolu ne’ebé resposavél distribuisaun Cesta Bázica iha Munisípiu Covalima hanesan, Kompaña Ervel Unipesoál Lda, AL Unipesoál Lda no Aitula Lda. Distribuisaun Programa Cesta Bázica SECOOP responsabiliza Munisipiu hitu (7) hanesan, Likisa, Aileu, Ainaro, Same, Manatutu, Lospalos no Munisípiu Covalima ne’ebé ohin halo ona enseramentu.
Entertantu iha seremónia ámbitu enseramentu distribuisaun programa Cesta Bázica iha Munisípiu Covalima, ne’e hetan partisipasaun husi Komandante PNTL Munisípiu Covalima ho ninia Adjuntu, administradór postu administrativu ne’en, xefe suku no xefe aldeia sira.
Ikus liu SECOOP halo atribuisaun sertifikadu rekuñesementu ba kompaña distributór sira, nomos autoridade lokal sira hanesan administradór postu no xefe suku sira.
#MIDIA SECOOP#
