• Version
  • Download 0
  • File Size 53.39 KB
  • File Count 1
  • Create Date June 8, 2020
  • Last Updated June 8, 2020

RELATORIU ANUAL 2019

Hori uluk kedas populasaun Timor-Leste hahi aas kultura soliedariedade no auto-suficiencia hanesan,” lia  moris ho lia mate” familia hotu hamutuk hakman-an malu liu husi sosio,nune’e mós Luta ba Libertasaun Nasional lideransa sira hahu liu husi harii cooperetiva iha base hanesan; Prezidenti Nicolau Lobato harii cooperativa iha suco Fahilebu subdistritu Bazartete, Distritu Liquica no Komisario Politíku FRETILIN Vicente Reis (SAHE) harii cooperativa iha Vemasse, Baucau, Bukoli, Ostiku -Loilubu iha tinan 1974.

Ho esperitu lideransa jerasaun 1974 nian ne’ebé forte no kaer metin soliedariedadi sosial ema Timor-Leste nian ne’ebé aas tebes maka iha tinan 1990,  Pe. Albert Karim, SJ lori cooperativa Crédito (CU) mai Timor-Leste, tan-ne’e cooperativa crédito komesa dezenvolve’an iha tempu ne’e ba,hare ba dezenvolvimentu Cooperativa Crédito iha tempu ne’ebá signifikadu tebes maka iha loron 24 Abril tinan 1996 dirijentis husi movimentu Cooperativa Crédito sira halibur malu hodi harii Federação Cooperativa de Crédito Hanai Malu (FCCHM), iha tempu ne’eba ho naran Federasi Hanai Malu hodi reprezenta movimentu Crédit Union (Cooperativa Crédito) sira hotu iha Timor-Leste (Timor-Timur).

Konstituisaun artigo 50 alina 5, hatete katak Estadu haburas  kriasaun  (hakiak)  kooperativa ba produsaun no fo tane ba empreza familia nian nuudar fatin atu hetan serbisu. Artigo 59 nº3 deklara katak Estadu rekonese no fiskaliza eskola partikular no koperativu sira no artigo 138 ne’ebé koalia konaba (Organizasaun ekonomiku) deklara katak Organizasaun ekonómiku Timor-Leste nian hatur iha konjugasaun forma komunitaria sira ho liberdade ba inisiativa no jestaun emprezarial no nia koezistensia ba sektor publiku, sektor privadu no sektor kooperativu no sosial.  Bazeiaba artigo hirak temi iha konstituisaun mak I governu aprova Dekretu Lei nº 16/2004  ne’ebé koalia konba kodigu kooperativa, liu husi dekretu lei atribui ba kooperativa previleziu boot maka kooperativa funsiona autonomamente no independente tuir prinsipiu kooperativa nian.

Baseiaba base juridika mensiona maka iha dezenvolvimentu  kooperativa nian programa sai prioridade liu maka filares inportante haat hanesan Edukasaun/Formasaun, Soliedariedadi, Auto-Suficiancia no kreatividade social, ho ninia esplikasaun hanesan tuir mai;

  • Edukasaun/formasaun, nuudar base atu hasae koñesimentu diregentes kooperativas no membru sira hotu hodi jere ho eficientemente FCCHM atu bele atinzi ninia objetivu difinidu.
  • Solidaridade nuudar fatór determinante atu solusiona problema hotu bele sai kma,an no facel liu.
  • Auto-Suficiencia, nuudar objetivu koletivu hodi bele soi-an no populasaun baibain nia interese atu labele sai obstakulu ba parte seluk.
  • Creatividade Sosial, nuudar pilares xave ba cooperativas no setóres produtivus hodi eduka membru sira bele hatene poupa no depozita liliu eduka membru atu hatene jere rekursus ne’ebe sira iha no labele dependensia ba instituisaun governamental ka laos-governamental iha Timor-Leste no eduka membru sira ho populasaun atu sai produtivu liu-tan hodi inova beibeik sira nia produtu (kreativu).
  • KOMPETITIVIDADE; Promove edukasaun ba aumentu produsaun nohadiak kualidade produtu serbisu no produsaun hodi kompete iha merkadu internu no externa;