• Version
  • Download 4
  • File Size 4.00 KB
  • File Count 1
  • Create Date June 12, 2020
  • Last Updated June 12, 2020

REUNIAUN KONABA KOPERASAUN FCCHM HO BCTL

REUNIAUN 

KONABA

KOOPERASAUN FCCHM HO BCTL

Iha loron 10 Junho 2020, fatin FCCHM, Presidente FCCHM halao reuniaun ho Vice Governadora Banco Central de Timor-Leste (BCTL).

Reuniaun mak temi marka prezensa husi ne’e delegasaun husi BCTL no presidente ho ninia tekniku apoiu gabinete FCCHM nian.

Asuntu ne’ebe sai nuudar pontu inportante iha reuniaun ne’e maka “ Avaliasaun ba formasaun ne’ebé fasilita husi BCTL ba formadores sira FCCHM nian”.

Haktuir asuntu temi iha leten informasaun ne’ebé  hato husi Presidente FCCHM ba delegasaun BCTL nian katak;

  1. Formadores husi BCTL nia fasilitasaun ba formasaun hetan apresiasaun pozitivu;
  2. FCCHM iha tinan 2019, halao formasaun kontinuasaun ba membru cooperativa hamutuk ema nain 928 entre sira feto ho mane;
  3. Ho formasaun ne’ebé formadores FCCHM nian fasilita ba nia membru sira informasaun no avaliasaun mak simu katak presiza nafatin formasaun kontinuasaun;
  4. Haktuir hanoin sira temi iha leten presidente FCCHM husu ba BCTL atu mantein relasaun no kontinua ho memorandu entendimentu ne’ebe asina tiha ona iha tinan 2019;

Haktuir informasaun ne’ebé ható husi Presidente FCCHM ba  Vice Governador hetan reasaun pozitivu husi BCTL katak;

  1. Memorandu presiza nafatin vigora mantein
  2. Formasaun kontinua halao husi BCTL ba formadores FCCHM nian;
  3. Visita no Formasaun FCCHM nian ba nian ba membru cooperativa presiza partisipasaun husi parte BCTL nian;

Konkluzaun ba reuniaun temi iha leten maka hanesan tuir mai:

  1. Atu asegura formasaun ida sustentabel maka presiza serbisu hamutuk ho IAD no rejista Centru Formasaun FCCHM nian INDIMO;
  2. Monitorizasaun no formasaun ba baze husi FCCHM presiza partisipa mos husi parte BCTL nian;
  3. Knua Juventude presiza FCCHM nia fasilitasaun formasaun ba sira ho kordenasaun BCTL nian;

Reuniaun konklui iha oras 11h30, Fatin FCCHM

Relatora

AM, Junho 2020