likisa: Ekipa Sekretaria Estadu Kooperativas (SECOOP) ne’ebé maka lidera husi Sua Excelénsia Sekretáriu Estadu Kooperativas, Dr. Elizário Ferreira, MM hamutuk ho kargu xefia sira hala’o retiru anuál hodi halo reflesaun durante Loron rua nian laran hahú husi Loron 27-28 Dezembru Tinan 2020.
Tema sentral “Fortalesementu Institusionál Hodi Implementa Programa SECOOP nian”
Objetivu husi retiru ne’e, atu fó oportunidade ba kargu sira hodi hare fila fali ba progresu servisu no dezafiu ka frakesa sira ne’ebé halo ona durante tinan ida nian laran, aumezmu tempu trasu planu ba futuru.
SECOOP iha diskursu apela ba kargu xefia sira atu lori kooperativas ba ema hotu-hotu no halo sai boot, tanba kooperativas sai hanesan pilar importante ba baze ekonómia rai laran.
“Ita presiza servisu hamutuk hodi habelar kooperativa ba ema hotu-hotu tuir prinsípiu kooperativas nian”. Afirma SECOOP
Governante ne’e mos espera katak ba futuru labele hela ho Sekretaria Estadu Kooperativas maibe bele sai ministeriu ida Ekipa boot espera katak iha tempu ruma SECOOP bele sai ministeriu ida ho ida ne’e hotu-hotu tenki servisu maka’as.
Retiru ba loron da-uluk nian maka kada kargu xefia sira hato’o progresu servisu no dezafiu hirak ne’ebé durante ne’e hasoru, fahe grupu haat hodi halo diskusaun no buka solusaun ba dezafiu hirak ne’e, no ikus liu maka taka ho misa iha Igreja Paroquia Likisa Villa.
#Media SECOOP#
