Dili; 03 de Julho 2021

Secretaria de Estado das Cooperativas (SECoop) Hamutuk ho FCCHM no Movimento Cooperativa iha Timor-Leste Komemora loron Mundial Cooperativas nian, ne’ebe hetan partisipasaun husi, Ministerio Coordenador Assuntos Economicos (MCAE), Radio Televizaun Timor Leste (RTTL), Instituisaun Nasionál de Dezenvolvimentu de Mão-de-Obra (INDMO), Teknolojia Informasaun no Comunikasaun (TIC), Universidade Nasionál Timor Lorosa’e (UNTL), Federação Cooperativa de Credito Hanai Malu (FCCHM), Dirigentes Cooperativa Primaria no Juventude Cooperativa.

Komemorasaun Loron Mundial Cooperativas nian, SECoop, Dr. Elizário Fereira, MM Assina Nota Entendimentu  Kooperasaun ho Parseiru sira hanesan Instituisaun Rádiu Televizaun Timor-Leste, Empreza Publika (RTTL.Ep), Universidade Nasional Timor Lorosa’e (UNTL), Instituisaun Nasionál de Dezenvolvimentu de Mão-de-Obra (INDMO), no Teknolojia Informasaun no Comunikasaun (TIC Timor).

Objetivu husi asina akordu ho Instituisaun haat (4) atu reforsa dezolvolvimentu Seitór Kooperativa iha Timor-Leste.

SECoop Asina akordu ho UNTL atu estabelese Departamentu Jestaun Kooperativa, hodi Produs rekursu Umanu ka Lisensiadu kompetente atu bele asegura sustentabilidade Instituisional, asegura estabilidade Finanseira no Ekonómia  Cooperativa nian.

SECoop Asina Akordu ho RTTL.Ep  atu promove  partisipasaun sidadaun nian ba vida Cooperativa, no Partilha informasaun relasiona ho Atividade Cooperativa nian.

SECoop Asina Akordu ho INDMO atu asegura formadór ne’ebe Kualidade, atu bele kontribui ba formasaun no Edukasaun Cooperativa nian.

SECoop Asina Akordu ho TIK ho objetivu atu asegura dezenvolvimentu teknolojia ba kooperativa no  prepara planu konaba dijitalizasaun, oinsa Cooperativa bele hala’o ninia servisu liu husi area Teknolojia.

Ikus Liu, iha Loron Mundial Cooperativas Nian, SECoop mos entrega Simbolikamente karosa ba Negosiante Ambulante sira  hodi nune’e bele fasilita diak liu tan sira nia Atividade loro-loron nian.

Leave a Reply

Your email address will not be published. Required fields are marked *