Dia 14 de Agostu 2021, iha Suku Liurai, Aileu

Konselleru FCCHM Dr. Elizario Ferreira MM, Vizita Servisu ba Creditu Uniaun Hisik Kosar ba Moris Rasik (CU HIKMOR) hodi hare direita dezenvolvimentu Cooperativa nian.

Iha reuniaun membru Cooperativa sira Konselleru FCCHM apresia ba Dezenvolvimentu Cooperativa Maske hasoru situasaun Pandemia COvid-19 afeta ba mundu tomak inklui Timor-Leste maibe HIKMOR kontinua hamrik metin nomos membru sira mos kontinua aumenta ba bebeik.

Dirijenti CU HIKMOR rekomenda ba Konselleru FCCHM atu fasilita ekipamentus teras ka tahan rai lolon bainhira halo produsaun ruma, fasilita mos formasaun kontinuasaun cooperativa nian ba dirijenti no membru sira, ikus fasilita fatin transaksaun ninian tanba durante ne’e espasu maka lato’o hodi nune’e bele atende ba membru sira diak liu tan.

Konselleru FCCHM hatan ba preokupasaun husi CU HIKMOR nian liliu konaba Formasaun mos sei iha tempu badak Formadór sira sei fasilita formasaun Kontinuasaun Cooperativas nian ba dirijenti no membru sira maibe sei akumula Kooperativa hotu hotu iha kada munisipiu no konsentra iha fatin ida deit.

Leave a Reply

Your email address will not be published. Required fields are marked *