Iha Loron 17 setembru 2021 Konselleru FCCHM Dr. Elizário Ferreira, MM Vizita servisu ba Creditu Uniaun (CU) Moris foun Fuiloru, iha Aldeia Titilari, Suku fuiloru, Postu Administrativu Lospalos, Munisipiu Lautem hodi rona problema no haree progresso Cooperativa nian.

Konselleru FCCHM hateten “ Hau mai vizita ne’e hodi rona imi nia difikuldade no progressu sira maka atinji ona, Hau mos fo parabens ba imi tamba kada loron membru foun sempre mai rejistu ne’e hatudu katak cooperative iha ninia progressu dezenvolvimentu lao diak.

Sekretariu CU Moris foun ,Sr. Jacob Dumarain Zacarias senti kontenti ho prezensa Konselleru nian tamba ho prezensa hanesan motivasaun ida sira, hodi bele dezenvolve an diak liu tan ba futuru no bele rona direita problema hirak ne’ebe durante ne’e cooperativa hasoru.

Difikuldade dala uluk maka edifisiu seidauk iha, presiza formasaun lao nafatin ba nivevl lideransa, administrasaun, kontabilidade presiza akompanhamentu nafatin, no isnpeksaun tenki lao nafatin hodi nune’e bele hadia diak liu tan.

Enkuantu CU Moris foun Fuiloru harii iha Loron 09 Juñu 2002, to’o agora akumula ona membru hamutuk ema nain 443 ativu no capital $ 290,000 ho atividade loro-loron nian maka rai no impresta osan ba membru sira. Ho Jurus 2% mai kraik ba membru hirak ne’ebe impresta osan ho montante $2,000 , kuandu membru sira impresta $2,000 $10.000 sei aplika jurus 1%

Leave a Reply

Your email address will not be published. Required fields are marked *