Konselleru FCCHM Dr. Elizário Ferreira, MM fo pose ba Estrutura Cooperativa de Credito Roman Nicolau Lobato (CCRNL) ho mandatu tinan haat (4) iha Suku fahilebo, Postu Administrativu Bazartete, Munisipiu Liquiça.

Durante serimónia ne’e Konselleru FCCHM husu ba dirijenti no membru sira atu labele hamate fali cooperativa  ne’e, tanba lori naran Komandante Falintil, Saudozu Nicolau Lobato nia naran. Ne’ebe hari’i mos Cooperativa Komunál ida iha duni Suku fahilebo.

Tanba Suku Fahilebo mak baze ida atu bele hari’i Cooperativa no oras ne’e mos moris ona Cooperativa ida ho espiritu saudozu Prezidente Nicolau Lobato nian.

Ho Cooperativa ida ne’e bele mos kontribui ba liberta kiak ne’ebe iha suku no mos suku sira seluk. Ida ne’e mak esensia husi Cooperativa  ne’e  e hau nia Prezensa iha ne’e atu asiste sira nia pose no juramentu, e fo mos mensajem oinsa mak atu dezenvolve Cooperativa Kreditu tuir prinsipiu Cooperativa Creditu ninian.

Tanba ne’e sujere ba membru sira atu deside toos fatin komunal  uluk ne’ebe komandante Nicolau Lobato halo atu transforma sai hanesan fatin turizmu.

Prezidente Cooperativa Sr. Marcelino da Cruz hatete lalaok hari’i Cooperativa CCRNL  ne’e mai husi Assosiasaun Naroman, ne’ebe hari’i iha loron 29 fulan Marsu 2011. Asosiasaun NAroman mos habarak ona fini Komersial Timor Leste nian iha Suku Fahilebo.

Maibe Ikus mai asosiasaun refere, hari’i tan fali grupo ida ho naran USP, ho atividade rai osan no empresta osan, iha loron 17 de Maiu 2013, ho total membru hamutuk ema nain 22, kompostu husi feto 10 no mane nain 12, ho sira nia valor osan hamutuk $198 dollares.

Ohin Loron, Segunda 30 de Agostu 2021, grupu USP, nakfilak an baCooperativa de Credito Roman Nicolau Lobato (CCRNL)

Administradór Postu Administrativu Bazartete, Sr. João Braz hatutan, Kooperativa ne’ebe mak Saudozu Nicolau dos Reis Lobato ho Viceente Reis “Sahe” hari’I iha tempu rezistensia, nia rezultadu mak oras ne’e dadaun ema hotu sente hela, mak ukun-an.

Enkuantu , rezultadu husi dirjenti no membru sira iha Kooperativa CCRNL sei naruk no sei la hotu, tanba jerasaun sira tuir mai sei kontinua tuir mehi ne’ebe mak halo dadauk.

Leave a Reply

Your email address will not be published. Required fields are marked *