Konselleru FCCHM Dr. Elizário Ferreira, MM halao reuniaun ho dirijenti no membru Cooperativa Creditu Uniaun (CU) Afihini, iha Suku Souro Postu Administraativu Lospalos, Munisipiu Lautém.

Prezidenti CU Afihini Sra. Eugenia dos Santos sente kontenti ho vizita Konselleru nian, bele fo motivasaun no suporta sira hodi nune’e aktividade bele lao diak liu tan.

CU Afihini nu’udar Cooperativa foun, ho ninia membru hamutuk ema nain 34, ho osan $1.500. Difikuldade ne’ebe hasoru maka sede Cooperativa nomos ekipamentus eskritoriu nian hanesan, komputador, printer, surat tahan no selu-seluk tan.

Konselleru fo Parabens ba dirijenti no fundador CU Afihini sira, tanba ho inisiativa rasik bele estabelese Cooperativa iha Suku Laran.

Hatan ba Preokupasaun Cooperativas nian, Konselleru dezafia membru no dirijenti cooperativa  atu sira kada ema ida dada tan ema ida, bainhira to’o ona target 250  sei bele fasilita sede ba Cooperativa  no ekipamentus eskritoriu iha tempu badak nia laran.

Leave a Reply

Your email address will not be published. Required fields are marked *