Konselleru FCCHM Dr. Elizário Ferreira, MM ho akompaña husi reprezentante Administrador Postu Administrativu Tutuala, Sr. Albino de Araujo vizita kortézia ba Cooperativa Turizmu Valusere, iha Suku Tutuala, Postu Administrativu Tutuala, Munisipiu Lautém.

Objetivu husi vizita ne’e atu observa direita dezafiu no progressu Cooperativa nian, nomos vizita ne’e hanesan motivasaun ida hodi nune’e Cooperativa bele  dezenvolve aan nafatin atu kontribui ba krezimentu ekonómia.

Iha Vizita ne’e mos Konselleru FCCHM hateten sei promove Produtu Cooperativa nian liu husi media massa no elektronika hodi bele atrai turista nasionál no Internasionál sira bele vizita nia fatin refere.

Reprezentante Cooperativa Turizmu Valusere, Sra. Idalizia de Jesus senti kontenti ho prezensa Konselleru nian tamba vizita ne’e hanesan parte ida fo motivasaun no enkoraja sira atu hadia an diak liu tan.

Enkuantu Cooperativa Turizmu Valusere durante ne’e loke Guest House ba Vizitante sira ne’ebe maka Vizita ilha Jaco, Kada Kuartu ida ho montante $25  to’o $30 dolares Amerikanu ba Kalan ida.

Leave a Reply

Your email address will not be published. Required fields are marked *