Díli: Sekretáriu Estadu Kooperativas (SECOOP), Dr. Elizário Ferreira, MM loke área inspesaun, kontrolu internu no auditoria ba funiosnáriu sira SECOOP nian husi nasionál no munisípiu iha Salaun Luz Clarita, Loron Tersa-Feira (22/12/2020).
SECOOP iha ninia intervensaun husu ba fomandu sira atu aproveita didiak formasaun durante loron rua nian laran, hodi nune’e bele aplika iha servisu fatin.
“Sekretaria Estadu Kooperativas (SECOOP) hanesan instituisaun ida foun, foin hamriik tinan rua ninia ejisténsia, signifika katak presiza formasaun atu nune’e bele eleva kapasidade operadór ka servidór sira iha SECOOP rasik.
Tanba ida ne’e formasaun ida ohin aban no sei kontinua tan, formasaun ne’e presiza dirijente sira nia partisipasaun, liu-liu funsionáriu sira mai husi munisípiu sira, komprende halo didiak, atu nune’e fila ba hala’o servisu tuir prinsípiu kooperativas nian.” Afirma SECOOP.
Eis Deputadu ne’e mós hatutan liu tan katak auditória interna lasignifika atu kondena malu, maibe fó hanoin ba malu, ema bolu dehan auditória interna ne’e, auditória interna komprensivu. Tanba ne’e formasaun ne’e importante teb-tebes iha vida formasaun.
Enkuantu formasaun ne’e organiza husi Gabinete Inspektória no Auditoria Interna SECOOP nian, ho Subtema rua maka hanesan, Atu hasa’e koñesimentu funionáriu públiku hodi hala’o nia knár ho responsabilidade, no
Hasa’e koñesimentu kargu diresaun atu eleva boa governasaun.”
Iha GIA, Henrique Oliveira hateten objetivu husi formasaun ne’e maka atu eleva kapasidade no kuiñesementu kargu xefia no funsionáriu sira bele inteira didiak kona-ba auditória, inspesaun, no kontrolu internu hanesan servidór estadu.
Formasaun ne’e partisipa husi funionáriu SECOOP nian hamutuk ema nain 37, mai husi nasionál, munisípiu 12, inklui RAEOA, formasaun hala’o durante loron rua nia laran hahú husi Loron 22-23 Fulan Dezembru tinan 2020.
#Média SECOOP#