Dia 26 de Agostu 2021

Iha salaun Konferensia Hotel Timor Dili, SECOOP halao koperasaun ho UNCDF konaba programa digitalizasaun ba credit union, Cooperativa produsaun no micro empresa kiik sira.

Marka Prezensa ba iha lansamentu ne’e mak Ministro Coordenador Assuntos Economicos (MCAE) Sr. Joaquim Amaral, Program Manager UNCDF Sr. Bram Peters (Virtual), Ambassador EU iha Timor Leste Sr. Andrew Jacob, Assistant Secretary General Structural Economic Transformation and Trade Sr. Escipión J Oliveira, UN Resident Coordinator Sr. Dageng Liu, Secretario Estado das Cooperativas (SECOOP) Sr. Elizário Ferreira no Presidente Federasaun Cooperativa Credito Hanai Malu (FCCHM) Sr. João Manuel Belo.

Secretario Estado das Cooperativas (SECoop) Sr. Elizário Ferreira hateten Programa digitalizasaun ba Credit Union no Parte ida husi Programa inkluzaun Finanseira ne’ebe atu povu Timor Leste bele asesu. Programa ne’e sei benefisia liu ba Cooperativa kiik sira atu bele fasilita atu halo pagamentu ho lais no fasil.

UNCDF sei fo apoiu ba Prosesu Digitalizasaun Credito Finansial iha Timor Leste tan ne’e iha biban ida ne’e mos UNCDF ho SECOOP assina nota entendimentu ba kooperasaun refere.

Parte SECOOP Timor Leste ho laran ksolok simu inisiativa mai husi UNCDF tamba liu husi memorandum ida ne’e SECOOP sei halao nia kna’ar ho diak no diak liu tan atu hamoris Kooperativa sira ne’ebe oras ne’e funsiona maske sei halao atendimentu ho maneira Konvensional.

Leave a Reply

Your email address will not be published. Required fields are marked *