Iha loron sexta-feira dia 20 de julho 2022, Secretário de Estado de Cooperativas (SECoop) hala’o reuniaun ho Federasaun Cooperativa de Credito Hanai Malu (FCCHM) no Movimentu Cooperativa sira.

Objetivu husi reuniaun ne’e mak atu assina Recibu ba kapitalizasaun hodi kompleta realizasaun pursentu nen-nulu (60%) relasiona ho planu kapitalizasaun ba FCCHM ho montante tokon 3.5 (tolu pontu Lima).

Secretário de Estado Cooperativa (SECoop), Dr. Elizário Ferreira, MM Lidera reuniaun ne’e entre Federasaun Coopertiva Credito Hanai Malu (FCCHM), no movimentu Cooperativa Sira iha sala reuniaun FCCHM

Hafoin Reuniaun SECoop Subliña katak liu husi prezensa hau nian atu esplika konaba kapitalizasaun ne’e, tamba FCCHM, akumula ona kapital $26.2 Milloens dollares Amerikanu. Entaun atu assegura ninia jestaun ida diak mak, hau lidera reuniaun ida ne’e hodi fasilita informasaun ba movimentu cooperativa atu assegura kontabilidade ida-idak, ho espiritu transparente, no serbi diak ba membru cooperativa sira atu assegura no assesu Finanseiru ba membru sira hotu.

Iha sorumutu ne’e mos Governu fasilita informasaun ba Dirijenti Cooperativa sira konaba oinsa atu mobiliza produsaun husi membru sira hodi promove ba kompaña manan nain ba Cesta Basica sira, atu bele sosa produtu cooperativa nian (husi komunidade), hafoin halo distribuisaun fali ba komunidade sira.

Enkuantu orsamentu ba Tinan 2021 nian, Governu liu husi SECoop preve hela osan ho Montante 3.5 Milloes (tokon tolu pontu lima), maibe tamba iha tinan 2021 mosu Sirkunstansia oioin, nune’e ita SECoop foti fali fundu balun husi kapitalizasaun ba FCCHM hodi hala’o atuasaun ba necessidade governu nian, mak SECoop konsege transfere deit kapital ho montante Milliaun 2.8 (tokon rua pontu ualu) nune’e fundu kapital ne’ebe previstu ba FCCHM iha tinan 2022, sei hela besik Rihun atus hitu. Atu kompleta fundu kapital previstu iha tinan 2022 nian, SECoop sei preve iha Tinan 2023, hodi nune’e bele assegura kapitalizasaun ba Setór Ekonomia liliu Setór Cooperativa nian.

Prezensa iha reuniaun ne’e mak hanesan Secretário de Estado de Cooperativas (SECoop) Dr. Elizário Ferreira, MM., Presidente FCCHM Sr. João Manuel Belo, no Dirijenti Cooperativa Sira hamutuk Sanulu resin ualu (18) ne’ebe mak durante ne’e hamahon-an ona iha Federasaun cooperativa creditu hanai malu.