Dili: Sekretáriu Estadu Kooperativas (SECOOP), Dr. Elizário Ferreira, MM hala’o Reuniaun da-uluk ho kargu xefia sira iha ámbitu reuniaun konesllu konsultivu tinan 2021 nian, iha Sala Reuniaun SECOOP, Loron Segunda-Feira (04/01/2021).
Ajenda ba reuniaun konsellu konsultivu maka hanesan, Apresiasaun ba akta anterior, trasa planu asaun anuál baze Orsamentu Jerál Estadu ne’ebé maka aprovadu ona, halo avaliasaun ba distribuisaun Cesta Basica, no ikus maka diversus.
Iha Reuniaun SECOOP husu kargu Xefia sira no funsionáriu SECOOP tomak atu asegura nafatin instituisaun refere.
“Obrigadu barak ba Ita hotu nia partisipasaun tempu barak iha tinan 2020 nian, no hein katak ho tinan ida ne’e ita bele hahú servisu diak liu tan, atu asegura ita nia instituisaun Sekretaria Estadu Kooperativas nian, asegura estabilidade iha vida organizasaun, nomos asegura dezenvolvimentu movimentu kooperativas nian” dehan SECOOP
Partisipa iha reuniaun ne’e maka hanesan, Diretór Jerál SECOOP, Francisco Xavier, Xefe Gabinete SECOOP, Rev. Arlindo Marçal, diretór nasionál, xefe no departamentu sira, asesor sira, inklui funsionáriu SECOOP nian balun
#Media SECOOP#
