Iha Loron Dominggo, 30 de Janeiro 2022 SECOOP no FCCHM hala’o Reuniaun hamutuk ho movimentu Cooperativa sira iha Salaun FCCHM, Lanud Bairo-Pite, Dili.

Reuniaun ne’e sai reuniaun da-uluk iha Tinan 2022 nian ho movimentu cooperativa sira ne’ebe mak sai membru ona iha FCCHM.

Objetivu husi reuniaun ne’e mak atu koalia konaba ; Fundu Rekooperasaun, Fundu Kapitalizasaun no Loja Cooperativa.

Fundu Rekoperasaun Covid-19 hamutuk $240,000,00 nian ne’ebe atribui on aba Cooperativa Primaria sira iha Tinan 2020. Fundu Rekoperasaun ne’e ho objetivu atu rekopera fila fali situasaun ekonomiku iha cooperativa nia laran, tanba durante tempu covid-19 cooperativa barak mak hetan malparadu.

Fundu Kapitalizasaun, hamutuk $ 2.8 Milloens ne’ebe maka governu transfere ba konta bankaria FCCHM nian hodi fo kreditu ba Cooperativa primaria sira.

Loja Cooperativa sira hodi bele fasilita diak liu tan transaksaun produtu movimentu cooperativa sira nian.

Nune’e mos koalia konaba konfiansa husi Parlamentu Nasional $ 40 Milloens hodi Finansia ba Programa implementasaun  ‘ Cesta Bazika’ liu-liu diversifikasaun  ekonomia rai Laran.