Díli: Durante loron rua , hahú husi Loron Kinta-Feira to’o Sesta-Feira (21-22/01/2021), Sekretaria Estadu Kooperativas, hahú realiza teste dahuluk ba funsionáriu sira hamutuk ema na’in lima-nulu-resin-haat (54), molok hetan rekoñesimentu sertifikasaun iha nível formadór nian, husi Institutu Nasionál Dezenvolvimentu Maun-de-Obra (INDMO).
Iha Loron Da-uluk, selesaun ba formadór sira hamutuk ema nain tolu nulo resin neen (36), iha nível II, teste ba nível III nian, formadór sira hotu-hotu liu no formadór ema nain neen ne’ebé valór bo’ot no hetan rekomendasaun husi SECOOP, atu ba tuir nivel IV nian.
Iha Loron Da-ruak, Selesaun ba formadór sira hamutuk ema nain 21, aumenta tan formadór ema nain 6 iha loron da-uluk nian, hodi nune’e, total hamutuk ema nain 27, hotu-hotu liu. Kompostu husi Kategória A, maibe A kualidade no A Pas, no kategória B.
Durante Loron rua nia laran, Formadór, Reinaldo Borges maka hetan Valór bo’ot liu entre formadór sira, no formadór hamutuk ema nain 46 maka ninia kualidade diak liu nu’udar pre-manajer.
Entre formadór sira ne’e sei fahe ba grupu sanulu resin rua (12), hodi atende ba kooperativa sira iha teritóriu laran tomak.
Sekretáriu Estadu Kooperativas husik mensajen lima hanesan bukae ida ba formador sira, maka hanesan:
– Da-uluk, prepara mapa ba imi nia aan, hatudu hanesan ema ne’ebé kualidade.
– Da-ruak, presiza peritu ba imi nia aan, katak, buka le’e barak.
– Da-toluk, tenki sai kondutór ne’ebe maka diak, treinu imi nia aan sai formadór ne’ebé maka diak.
– Da-haat, presiza ema seluk nia tulun.
– Da-Lima, Moral, prezisa kontrola hodi la’o to’o rohan, Afirma SECOOP.
Governante ne’e mos hatutan tan, formasaun ne’ebé halo, atu-bele eleva funsionáriu sira-nia kapasidade hodi koñese realidade sira ne’ebé mosu, liuliu iha servisu kooperativa nian.
Ha’u hanoin, ida ne’e mak atu hato’o, keta haluha imi-nia valór, determina hahú husi imi-nia ko’alia, dominasaun matéria, imi-nia hatais no imi- nia tempu, dehan SECOOP.
Ofisiál Programa Kualifikasaun husi Institutu Nasional Dezenvolvimentu Maun-de-Obra (INDIMO), Arlindo da Costa esplika, INDIMO iha opsaun tolu ne’ebé uza atu determina no fó sertifikasaun ba formandu ida, iha nível formadór nian.
Maibé, sé enkuantu rezultadu ida ne’e hatudu katak bazeia ba esperiénsia sira ne’ebé, ita-boot sira iha, hatudu katak, ita-boot sira iha kareira ida ne’ebé di’ak no ita ajusta de’it buat balu. Entaun INDIMO sei toma responsabilidade ida ne’e, atu fornese tán informasaun balu ne’ebé iha ligasaun ho formadór ninian, depois ita bele tama ona ba rekoñesimentu, hatete Arlindo.
Ikus liu, SECOOP agradese ba Institutu Nasionál Dezenvolvimentu Maun-de-Obra (INDIMO), nia prezensa hodi akompaña prosesu teste ne’ebé Sekretaria Estadu rasik mak atribui.
#Media SECOOP#
