Lospalos: Sekretáriu Estadu Kooperativas, Dr. Elizário Ferreira, MM, akompaña husi Diretora Nasionál Kooperativas Produsaun Integradu, Jacinta dos Santos hala’o vizita servisu ba Kooperativas Kreditu Union (CU) Moris Foun Fuiluro hodi observa kondisaun kooperativas nian, nomos fó motivasaun ba dirijente sira atu konsolida malu nafatin, iha Loron Tersa-Feira (19/01/2021) Lokraik.
SECOOP afirma katak, vizita ne’e sai hanesan asaun ida ba sustentabilidade kooperativa sira nian.
Iha Tempu hanesan Vise Prezidente CU Moris hateten vizita Sua Excelénsia nian hanesan motivasaun ida no observa direita dezenvolvimentu kooperativas nian.
Dirijente Kooperativas ne’e mós husu nafatin apóiu formasaun ba dirijenti no membru kona-ba kontabilidade no administrasaun, hodi nune’e bele produz relatóriu ho kualidade.
Enkuantu Kooperativa Moris Foun Fuiluro harii iha tinan 2003 ho membru inisiál hamutuk ema nain 16, to’o agora atinji ona ema hamutuk 400 resin, ho kapital dolar rihun atus lima resin.
Kritéria husi CU Moris Foun nian bainhira fó imprestimu ba ninia membru sira maka ho pursentu rua (%2) tun, Kooperativa mós fó servisu ba funsionáriu hamutuk ema nain tolu.
#Media SECOOP#
